Çaste poetike me poetin;Rexhep Hoti
Ikja si mundësi
——————————–
Përse e rrëzon shikim përtokë
E drita e syrit të rigon faj?!
Unë jam!
Po ai Rexha yt;
Në skaj të botës lind
Dielli im,
Për ty;
Vetëm buzëqeshja e ngrysur
Të mos qajë!
Më fal!
S’mund t’i besoj më Atdheut!
E ndjej sa është e rëndë kjo peshë trishtimi!
Shih si bie mbi trokun e tij
Ora e Hirtë!
Liria qelbet gjithandej pranë stomeve të plehut;
Rrugët e shkronjave janë ndryrë
Si murgjit në kullat e ngujimit,
Pabesisht,
Me sirt!
E marr vesh se s’më kupton!
Mos ma këput shpirtin me pikëllim!
Ikja nga Liria,
Nuk është vetëm filozofia e Fromit;
Ajo për shqiptarët është mision;
Dhe nuk është si largimi i Nolit kur e humbi Shqipërinë!
E dashur,
Është brezi i së ardhmes;
Shih, si shtrihet në sheshe?!`
Nëpër qendrat e BE-së si marshon!
Hipokrizi është e bukur te shqiptarët!
Tek ata edhe arti ndryshe merr frymë!
Prijësit e kombit dallkaukë,
Janë shpresa e republikave;
O Zot!
S’do ta besoja më parë kurrë!
E kush e ndan atdheun me ta!
Ndaj ikja në kulmin e botës
S’është për lot!
Atje burojnë vlerat
Si gurrat e Gjeravicës;
Atje i pret qytetërimi shqiptarët
Sot!
prill 2023
