Fryma poetike e së dielës me poeten;- Tatjana Haris HASKAJ

Mirëmëngjesi !

—————————

S’dua ta filloj nga e para

Kur të nisem për rruge

Për rrugën pa kthim…

Nuk dua këpucë të reja

Ato se njohin shpirtin tim

Ato s’ma njohin vuajtjen

As lodhjen e gjatë

Ato nuk qenë me mua

Kur brodha shpat më shpat

Si zog kur fluturoja

Ato nuk qenë në valle

Dhe as kur baltën puthja

Nga dhimbja e madhe

Ohhh , jo ! Ato nuk dinë,

Nuk dinë asgjë për mua

Nuk njohin frikën time

As vëndet që unë dua .

Ndaj më vishni këpucët e mia

Ashtu të vjetra e të thara

Se nëse një ditë do të rilindë

S’dua ta filloj nga e para …

Nga Tatjana Haris Haskaj

17 prill 2023

London

/www,qendrapress.com/