Fryma poetike e së mërkurës me poeten; Remzie Raci REXHBOGAJ

KUR TË IKU

————————

Atë ditë

Kur të iku në amshim

Aty ku Ti Erna më pret

Krah hapur me padurim

Në parajsë

Të qeta do të pushojmë

Unë dhe Ti

Ty të lë

Në rreze dielli

Të kam lënë

Në letër të bardhë

Brez pas brezi

Legjendë e gjallë

Unë kur s’jam më

Në këtë botë

Do kujtohesh për mirësi

E për shpirtin engjëllor

Që kishe Erna Ti

Të lë në shpirtrat

E gjithë njerëzimit

Të ngushëllohen

Në ditët e pikëllimit.

/www.qendrapress.com/