Fryma poetike e së dielës me poetin;-Sabit RRUSTEMI

SA E VOGËL KJO AMERIKË !!!

——————————————-

( Në variantin më të ri )

Sa e Vogël kjo Amerikë

për Kosovën e kohës sonë

humb si gjilpëra n’ kashtë

Çdo fije e ngrehur

shumëzohet për gjashtë

Plemja e Hajdarit

fund e krye kashtë

Peri i gjilpërës s’po shihet më

e kush nuk tha: ndjesë pastë

kjo Botë e Rreme plastë

Syve na vërtitet Bashka e Artë

ajo lukuni korbash Malit të Thatë

Të shpërthekuar përmidis Sheshit

fituesit e humbur brohorasin

Kristofor Kolombon nxirreni jashtë

Ajo Tokë e Re ç’iu desh

Hajt merr e ik çka po pret

Amerika e Vogël thërret që s’thërret

oj Kosovë e Madhe me ty ç’na gjet

Fati ynë udhëve qorre shket

( 30 Maj 2023 )

Bottom of Form

/www.qendrapress.com/