E mërkura poetike me poeten;-Anila KODRA

AJO PO VJEN

——————————

Zoti është Ai që botën e drejton ,

dhe shpirtrat e njerëzve kur duhet i gëzon .

Nga një dhimbje e madhe të sjell një mirësi ,

Që shpirtin e lodhur ta mbushi me dashuri .

Unë sot pres vërtet një engjëll të më vijë ,

dhe lotët që kam faqeve ngadalë të mi fshijë .

E pres të vijë si diell , a ndoshta dhe si hënë ,

e pres me krahë të zogjve , të them eja nënë .

Se jeta është e tillë të sjell të mbash në duar ,

një dritë dashurie me buzëqeshje të praruar .

Të nxjerr nga angështia e bën të qeshësh prapë,

kur pret të kesh në duar një mbesë a nip sakaq .

Dhe loti prapë rrëshqet , këtë herë i gëzuar ,

se do prek dhe përkëdhel faquat prush me duar .

Ngre sytë lart nga qielli me yje mbushur plot

Falënderoj me shpirt e zemër të Madhin Zot .

Një engjëll sot po vjen gëzon e gjithë shtëpia

Bekuar jemi të gjithë ne , nga Perëndia ..