Fryma poetike e së mërkurës me poetin;-Imer HYSA

MALLI PER TY

Malli për ty është peshë e rëndë

E ndjej në shpirt, më thyen në mes,

Më vjen në gjumë më trazon ëndrrën

Dhe sa hap sytë më përshëndet.

Në mbrëmje vonë hedh sytë në qiell

Ti cili yll shoh mund të jesh,

Kërkoj të madhin sa nje diell

Se sa një diell ishe mes nesh.

Dal e shikoj baçes çdo pemë

Pemët që mbolle i ledhatoj,

Nga malli çahen kokrrat në shegë

Prej mallit tënd zverdhet dhe ftoj.

Në hije të arrës ulem i heshtur

Aty ku dridhje ti shpesh cigare,

Shoh pemët plot me kokrrat pjekur

E ndjej në shiprt të ëmblat fjalë.

Kaluan vitet, gjashtë u bënë

Një fjalë mes nesh më nuk e thua,

Malli që djeg sa shumë na dhēmb

Ta dish se shumë është shimfishuar.

Malli për ty është peshë e rëndë

E kam në shpirt, më thyen në mes,

Më vjen në gjumë më trazon ëndrrën

Dhe sa hap sytë më përshëndet

/www.qendrapress.com/