Çaste poetike me poetin:Zija VUKAJ

Topos

Emra të vjetër sa bota

Regjistra fitomorfë çastesh jete;

“Qarri i nuseve”; “G’shtenja e xhenazes”

Vendkohë jete dhe vdekjeje.

Te Qarri përcilleshin vashat për nuse,

Përcilleshin e niseshin,

Nga tuneli i mjegullt ekzogamik.

Te Qarri ishte vendi i ndarjes,

I lotëve,

I humbjes.

Një bijë më pak.

Një përcjellje,

Me formulën e vyshkur:

“Të çoftë Zoti në fat!”

Pasuar nga zbrazëtia e largimit.

Te G’shtenja

I jepej lamtumira e fundit xhenazes,

udhëtarit të matanës

Këto qenë sinoret e mikrobotës sonë,:

Më tej fillonte terri

Misteri,

Doruntinada

Dhe bota e Hadit.

A s’ndodh kështu

Edhe në makrobotë?

/www.QendraPress.com/