Çaste poetike me poeten;Adelina PALI

DRITË YJORE

Në syrin tënd me aq shumë dritë

Nuk është nevoja,për dritën e yjeve

Natës ja zbeh,ti atë errësirë

Dhe yjet marrin dritë,nga ajo e syve.

KA TEK UNË

——————–

Brenda vetes kam një glob

Gjysma e tij më jep mall.

Gjysma tjetër më mbush lot,

Shoh gjithçka rrallë e më rrallë.

Brenda vetes kam një det

Që mes dallgësh më përplas

Dhe nuk di ç’të bëj, medet,

Valën – varkë kërkoj të ngas…

Brenda vetes kam një jetë,

Sa një shekull po më duket.

Përplas krahët për te retë,

Por shpresa e trembur struket.

Ëndrra brenda meje futur,

Ëndërr e madhe sa nuk thuhet.

Gjysma e saj ngjan e këputur,

Gjysma tjetër sikur ndruhet.

Shpresa më rrëmben përbrenda,

Por s’di se ku po më çon.

Globin, detin edhe ëndrrat

Me drithërim m’i afron…

/www.QendraPress.com/