E mërkura poetike me poetin;Sabit RRUSTEMI

SHËNIME TË (PA)KRYERA

( Shënimi nr. 1 )

Jij i lumtur më shumë

kur s’ta vënë syrin

se sa kur përmes një përkdheljeje

pas shpine

mëtojnë të ta thyejnë qafën

( Shënimi nr. 2 )

Çfarë kohe do t’kesh nesër,

lexoji shenjat

në mbarim të çdo dite

Po i lexove mbrapshtë,

mos prit të ecën mbarë.

Po nuk i vure re

fatin e pashkruar

si ngushëllim e ke…

Shënimi nr. 3

Gjurmët e të parëve,

po s’i gjete nëpër arkiva

përpush dherave të shpirtit

( Shënimi nr. 4 )

Dita kapet që në nadje.

Po s’e zure me ag

Mbetesh duke vrapuar pas saj

( Shënimi nr. 5 )

Mos e prit të të vijë

përmes një rige shiu

a një ëndrreje mëngjesi

Lëviz vendit,

dil tej portës…e kërkoje

gjeje

ashtu siç është pranoje

Pastaj, po deshe,

ndryshoje

Bëje të tillë çfarë e ke ëndërruar

për ta dashur gjithë jetën

( Shënimi nr. 6 )

Përherë

e njëjta ditë vjen

me emra të ndryshëm.

Vetëm shpresa

nuk e ndërron emrin

( Shënimi nr. 7 )

Cilën do rrrugë që ta marrësh

të nxjerr te unë

Kjo zemër që pulson nga Dashuria

nuk mund ta përballojë

mungesën Tënde

/www.QendraPress.com/