Çaste poetike me poeten;Flora PECI

KUSH BUZËQESHJEN TA MORI

————————————————-

Të shoh rrugëtimesh në çapitje

Siluetë e harruar gjurmëve të kohës

Kush buzëqeshjen ta rrëmbeu

Mos vallë të rrëshqiti vërshimave të kohës

Në trungun e rrugëtimeve tua

Aromë dëshprimi, harenë në kështjellë e murose?

Agimet të çelin me lotin në sy

Venitur çdo ditë nga një arkë e kohës?

Mos në letargji

Jeta ka shumë shtigje

Rrënoje kështjellën

Nga gjiri i Rozafës qumësht pi

Lulëzo në gonxhe

Vjedh buzëqeshjen

e murosur kohësh

jetës sate fali

rrugëtim shtigjesh të reja

heq siluetën e së kaluarës

velenxë e pamerituar për ty

/www.QendraPress.com/