Fryma poetike  se mërkurës me poetin;Mhill MARKU

BABAI IM ME PLIS TË BARDHË !==

===========================

Sa herë e shoh këtë plis

Shoh e kujtoj babanë tim

Kujtime mall për atë i nis

Ç’mall për babanë shpirtin tim.

Sa herë kthehej nga puna larg

Si diell në mëngjes dukej ai plis

Gëzonim ne i dilnim para varg

Me dashuri të gjithëve na ka sajdis.

E pritnim babanë si zogjtë në fole

Herë na merrte në krah a dorë për dorë

E pritnim si dritën që fillon me le

Me plis në kokë dukej si bjeshkë me borë.

Ai plis i bardhë si saç më ngjasonte

Ku babai ngrohte ëndrrat për ne

Ashtu me majë qiellin e jetës shponte

Që jeta jonë të ishte si qielli pa re.

Ai plis sot më duket si antenë interneti

Nga ku babai merrte valët e jetës re

Gjithmonë shpirti i tij merak për ne i mbeti

Për ne mendon dhe sot atje lart mbi re.

Eh baba ke kohë që nga ne ke ikur

Por gjithmonë je i gjallë nder ne

Vijmë të puthim ball e plis si qiri i pafikur

Për ne si ylber me shtatë ngjyra ke qenë e je

/www.QendraPress.com/