Fryma poetike e së dielës me poeten;Merita GRUDA

ROZAFË

———————-

Ndoshta,

kur Cukali mëngjeseve lëshonte diellin

a kur Taraboshi e përkundte në perëndim,

Ndoshta,

kur qielli errej shiut që derdhej mbi Bujanë e Drin

a kur era lëshonte kujën në kala e faqen e liqenit rrudhte

Ndoshta,

Në ditënetët me peshë shekujsh, sa herë ke pyetur:

“Pse?

Pse plaku i moçëm zgjodhi

një grua?”

Ndoshta,

me kohën,

kur djalin dhe muret mëkoje me qumësht,

kuptove atë,

që urtësia e dinte,

por vëllezërve

nuk ua tha me fjalë:

Janë burrat ata që i ndërtojnë kështjellat,

por, në jetë,

i mbajnë

gratë.

/www.QendraPress.com/