Çaste poetike me poetin;Brahim I.AVDYLI
LISI I VARGJEVE TË MIA
———————————
Je një nga njëmijë vargjet e mia
nëpër eter e nëpër shkrim
kur e pamundura shndërrohet
në shtëllunga tymi,
e udhëton bashkë me retë
të fryjë erën e ëndërrave të kristalta
në një top fjalësh të pathëna
nëpër shelgjen e vetmisë…
Ku t‘a di o aureolë e dhembjeve
nën këtë strehë të pipave të gjelbërta
të monumentit të skalitur
diku, nëpër mendimet trishtuese
se mendja i thyen ndonjëherë
shqetësimet e gastarta
duke e ndrydhur shpirtin e kapur
në këto çaste të trazuara
pse nuk e shembin këtë qiell
me qenien e heshtur
të braktisjes,
ky lis i butë i dhembjeve
lëshon lehtas rremat e tij
në një bulevard të kujtimeve
përderisa një ditë
do të kapërcej
kodrat e fatzezës jetë
në të padukshmen paralele!
