Fryma poetike e së mërkurës me poetin;Sahit SHALA

ERDHA

————————-

Erdha në ëndërr të të takoj

Por ti në gjumë të thellë më ishe

Atë shpirt të qetë s’bën ta trazoj

Me butësinë, në fytyrë që kishe

Rrugës nga vija, mblodha ca lule

T’i jap ty, me t ‘madhen shpresë

Se ti, veç ti, zemrën ma shkule

Lërmë me ëndrrën, më mirë të pres

Ditë pranvere ish, n’ mes t’prillit

Kur unë po vija, tërë buzë gaz

Zogjtë këndonin gjer n ‘kupë t’qiellit

Ti vrapoje, unë t’ ndiqja pas

Se po të të shoh, kur ikën ëndrra

Do të hidhem në përqafim

Çaste të tilla shërojnë plot zemra

Ti je magjia e shpirtit tim

Ti po flije, butë si drenushë

Po kush ka shpirt, gjumin ta ndaj

M’iku mendja të t ‘puq në gushë

Kush mund t’m’thotë se paskam faji?!

/www.QendraPress.com/