Çaste poetike me poetin:Llesh GJOKA

RRJEDHË E BUNËS QOFSH MALLKUAR!

——————————————————————

/- Poezi homazh për vdekjen e Alma Arazit me tre fëmijët/

Rrjedhë e Bunës qofsh mallkuar

U shterofsh dhe në mot me shi

Si e pranove paktin e vdekjes

Të një nëne me tre fëmijë?!

Rrjedhë e Bunës qofsh mallkuar

U helmoftë uji yt i zi

A nuk pate pak mëshirë

Kur u zhyt nëna me tre fëmijë?!

Rjedhë e Bunës u thafsh përjetë

Brigjet tuaja qofshin mallkuar

Si i degdise në një botë misteri

Nënë e fëmijë të përqafuar?!

Rrjedhë e Bunës qofsh mallkuar

Njeriu i lig që gatoi të zezën

Si s’kish lutje para altarit

Dorë e zotit të ndalte rrjedhën?!

Rrjedhë e Bunës qofsh mallkuar

Pse me valë shkaktove vdekjen?!

Ëngjëjt kanë krahë të fluturojnë

Pse me pahir ua more jetën?!

Rrjedhë e Bunës qofsh mallkuar

Mallkuar qoftë njeriu i krimit

Qajnë dhe muret e kalasë

Dridhet toka prej trishtimit.

ll@gjoka

08.04.2024

/www.QendraPress.com/