Çaste poetike me poeten:Meri BO

Përse shkruaj?

—————————-

Shkruaj për hënat e përgjakura

që kurrë se njohën diellin.

Për zogjtë flatra gjakosur

nga epshet e të marrëve

Pre ty harabeli i vogël

kur godet xhamat e acartë, me sqep mëshire

Për ty ujëvarë

që freskon të tjerët dhe harron vetveten

Shkruaj për ëndrrat

flatra bardha në qiell të dashurisë

Të bëhen dete të bëhen male

të shuajnë zjarrin e stuhisë

Të bëhen yje në galaktika,

të bëhen lule në buzëqeshje

Ku të shkoj bleta, të mbledh nektar

e ta perhap në buzë vjeshte.

Shkruaj për puthjen mjalt të muzgut

ku dielli shuhet në harrim

Shkruaj për zjarrin e pasosur

që përvëlon në gjirin tim.

Shkruaj për buzën tënde te përvëluar

që thith nektar mbi buzët e mia, e s’ngopet

Për dhimbjen e njeriut

që në perëndimet e jetës, drejt banesës së përjetshme

Shkruaj për një fjalë që e harrova diku

dhe ma rrëmbeu një ditë

një lumë i rrëmbyer i turbullt.

Shkruaj për ty edhe për mua

Shkruaj për fjalën e shenjtë dhe magjike:

Të DUA!

/www.QendraPress.com/