Çaste poetike me poeten:Merita GRUDA

Çanta ishte bërë gati

dhe unë nuk isha aty

nuk dëgjova pyetjet

e ke parë këtë

di gjë ku është kjo

ku e kam lënë atë…

Ai i kish mbledhur të gjitha

vetë,

vetëm.

Kur u ktheva, po dilte

E ke marrë këtë

po atë,

shih se mos ke harruar

je i sigurtë qe e ke në çantë..

lëshova lumë pyetjet

Më perfshiu në krahët e tij,

(sa e vockël m’u duk vetja)

Ma, i kam marrë të gjitha

më tha butë dhe doli

Me zemrën grusht

m’u desh të pranoja:

Im bir ishte rritur.

/www.QendraPress.com/