Çaste poetike me poeten;Albina TREBICKA

DEGA e QERSHISË.

——————————–

 U thye, a u tha dega e qershisë

 ku do rrinte i varur betimi ynë…?!

se çdo qershor do të rrinim bashkë

fshehur nën degë pa zhurmë e bujë ?

 U thye, a u tha dega e qershisë,

ku “vëthë” qershish më vije në vesh,

 kur kokrra i jepnim ne njëri-tjetrit… ti…

m’i lyeje buzët, unë qesh e qesh ?

U thye a u tha dega e qershisë,

ku mbetën puthjet me shije qershie

 të kujtoj kur dalin qershitë e para,

 por nuk e di,ty…ndërmend a të bie?!

U thye a u tha dega e qershisë tonë?

Mua kujtimi yt më vjen çdo qershor.

/www.QendraPress.com/