Çaste poetike me poetin; Tyran Prizren SPAHIU
Robotët përballë DINJITETIT NJERËZOR
(poezisë mungon shpirti)
————————————
Hap lehtë hyra në ndërtesën e poezisë
hekuri i ndryshkur më tërhoqi vëmendjen
spirancën e këputur kishin vendosur mbi librin e letërsisë
çfarë po ndodh në kështjellën tonë!?
*
Sirtarët e stërmbushur me kumtesa dhe poezi të zgjuara
në parajsë INTELIGJENCA ARTIFICIALE ka futur hundët
robotika shemb kufirin e fundit cilësor
humbet edhe një vlerë e njeriut të rëndomtë.
*
Arriti vala e parafundit e mençurisë
shemben letërsia, shëndetësia e normaliteti
sulmeve agresive dorëzohet logjika e vetëdijes
përfundimisht mposhtet krijimtaria e autorit.
*
Janë përshtypjet me shije të hidhura
ndjekin ndjenjat e uzurpuara nga padrejtësitë
HEKURANËT ROBOTIKË vazhdojnë ahengun e varfër
dinjiteti letargjisë dorëzohet.
*
Nuk kam kohë as durim të duroj të paduruarit
krijesat që kërkojnë të futen në histori
pres me padurim të dali jashtë idhtësisë së realitetit
ëndërroj të rikthehem jetës së bukur ditore…
/www.QendraPress.com/
