Çaste poetike me poetin;Sahit OSMANI

NË HARKUN E URËS STINËVE MBËRTHYER

————————————————————–

Kurorën që të thura s’ta vura në kokë

pas shpine diçka më therte në zemër

dhimshurisht fliste me të njëjtin emër

ika me shpresë të thyer gjerë më sot

Në heshtje të thellë e mendova kthimin

me shpirtin e vuajtur e sy të pikëlluar

ku të qeshurën time, ti e pate pikturuar

nën harkun e urës më tregoje flijimin

M’u turbëllaun ndjenjat në ujin e gjakosur

s’kisha s’i të dilja a të futesha më thellë

kurora më mbeti peng e nuk më kthjellë

Me vështrim të ndezur e pamje të mjegullosur

në harkun e urës stinëve që ikin mbërthyer

s’kam më kohë gruas së murosur për t’iu rrëfyer

/www.QendraPress.com/