Çaste poetike me poeten;Ajne IBËRHYSAJ

NË ZEMRËN E QYTETIT TË GURTË

———————————————-

Qyteti m’i ngjanë si një i udhëtari të huaj

Duket i ftohtë, akull

Tani e sa kohë

Vetëm dielli i zbehtë rrugët ndriçon

Gjithçka e zymtë

Secili njeri rëndë merr frymë

I ngarkuar me sindromën e shtegtimit

Bredhi në këtë qytet të ftohtë

Kafshimin e fjalëve e dhembje plagësh

E ndiej në çdo gjëmë të shpirtit të tij

Kësaj maratone jete fundi nuk i duket

Me plasje duarsh e xhepa bosh

Hidhësia e kafes helmon ditën

Fytyra të trishtuara nënash

Me fëmijë në parzma

I presin rrugët e pafundme

Rëndë eci rrugëve të këtij qyteti të ftohtë

Hy në zemrën e qytetit të gurtë

Aty brenda pushon dimër i madh

Një geto e dhimbjes së njeriut

E brenda vetes

Digjet shpresa e një dite tjetër

Endem rrugëve ku mëshira ka ikur

Qytet i ftohtë si zemra e gurit

Dëgjon fjalosje për hiçgjë

Zhurmë fjalësh e debatet boshe

Vitet e fjetura ikin e vegimet shtegtojnë

E në ëndërr perëndimin e diellit shohim…

/www.QendraPress.com/