Çaste poetike me poetin;Xhemkadri KASTRATI

VENDI IM

——————————–

Në këtë vend u linda atëherë

Këtu n’këtë tokë dhe jam rritur

Është nga gjyshi, se kam blerë

E kurrë s’mendoj për ta shitur!

Këtu kam n’varre babë e nënë

Dhe shumë tjerë që kanë rënë

Por kurrë nuk kam për t’i lënë

Se kam frikë nëmat t’më zënë!

Këtu kam vëllaun, e kam motrën

Kam shtëpinë, këtu kam votrën

Këtu kam zjarrin, këtu kam tym

Kam gëzim, kam dhe hidhërim!

Këtu kam farën, këtu kam fisin

Këtu kam rrënjët, këtu kam lisin

Këtu kam nipin, e kam mbesën

E kam jetën, kam dhe shpresën!

Këtu mbaj fjalë, mbaj dhe besë

N’kokë kam plisin, nuk kam fes

Këtu i kam teket, këtu kam ves

Këtu vetë qepi, këtu vetë pres!

Këtu kam qiellin, këtu kam retë

Kam shtrëngatën, kam rrufetë

Këtu rizgjohem n’çdo mëngjes

Këtu jam lindur, këtu do t’vdes!

/www.QendraPress.com/