Çaste poetike me poeten:Linda SHAQIRI

Linda

——————

Kur lindi Ajo,

Me lot qau dhe qielli,

Ndau detin në katër anë,

Bashkë me të lindi dhe dielli

Në pranverën e bukur,

Të muajit Maj,

Me mahnitjen e shtojzovalles,

Lindi me misionin e ringjalljes,

E shpresës dhe besës,

Mikeshë e Diellit dhe Hënës,

Dashuri ka tre yje qielli,

Rrethuar me tre Luanë,

Një mesazh i shkruar në letër,

Me ca rreshta,

I vulosur diku lart,

Thuhet në planetin e Mërkurit,

Bekimin nga Zoti e mban në kraharor,

Me emrin më të bukur të Majit,

Si dhuratë nga Nëna e Diellit,

Që dha jetë nga jeta e saj,

E madhja Mbretëresha NËNË,

Le të rrojë sa malet e Perëndisë,

Sa shtigjet e hapura, Deri në pavdekësi!

Nga libri Mozaik Qëndrese

/www.QendraPress.com/