Fryma poetike e së dielës me poetin;Gëzim AJGERAJ

VERTIKALJA E TIJ

———————————-

Shikimin kah dielli s’ia thyen furtunat

As kohë e etshme kur i hante kokat

Ai eci vertikalisht pa u ndalë

Pritat e furtunave të liga e sfiduan

Mbi tehun e shpatës ecjen e tij

Tokën ia dogjën nën këmbë

Edhe diellin ia nxinë

Por shpresës së dritës s’iu nda

Me nga një këmbë nën dhe

E njërën mbi të

Eci pandalshëm sfidave të durimit

Ecja e tij e mori bekimin e kohës

Nëpër pathyeshmëri

—————-

MOS HARRO KTHIMET

———————————-

Mos harro ditën kur të vodhën udhët

As verën e nxehtë plot vapë

E pikëllimin e kullës

Kujto zjarrin e shuar në vatër

Dhe derën e mbyllur në dry

Prapa merimangave të lëvjerra teposhtë

Lakmisë së udhëve mos iu dorëzo

As mashtrimit të harrimit

Etja të të përpijë

Orën e kthimit mbaje të kurdisur

Mos të të ndalet kohë e saj

Në mes të udhës

Mbaje në kujdes vonesën

Se harrimi s’të pret

/www.QendraPress.com/