Çaste poetike me poeten;Ibadete LIVAREKA

Pritja

——————–

Tani nuk më thotë se do të vijë

as zemra siç më thoshte më parë

po do t’ia shmangë perden këtij xhami

ta pres edhe autobusin e mbrëmë.

Do t’i numëroj gjethet në degë bagremi

kalimtarët mirë do t’i shikoj

ai mund të ndalet në stacionin përballë

kur të vijë, kafeja do t’jetë gati ta shijojë.

Po nëse i shqetësuar do të vijë

si ta fsheh këtë makth që peng më mban

si do ta ndal lotin nga këto sy

dhe frikën si det që han valë.

Dhe llambat ndriçuese po i numëroj

deri sa ta shoh udhës të vijë

gjithçka që bëra sot do t’i tregoj.

ta kuptojë këtë pritje, mall dhe dashuri.

E kam shikuar orën prej se ka shkuar

s’e hapë telefonin as nuk më thërret

minutat po zgjasin skanë të mbaruar

se më la vetmuar nuk e ka për dert.

Edhe një autobus do të qarkullojë

ja hija e tij me veshje stinore

nga ajo maskë e akullt asgjë nuk dëgjon

nga një tufë prej yjesh tërhiqet përdore.

/www.QendraPress.com/