Çaste poetike me poetin;Xhemkadri KASTRATI

ZEMËRPRISHURI

————————————–

Duket të jetë engjëll me të ëmbla fjalë

Kur shkon rrugës, se shkel milingonën

Por n’vepra të tia del të është një djall

Ju dha mundësia do e vret dhe hënën.

Duket të jetë engjëll e s’le gjë pa bërë

Mendime të ndryshme i sillen në kokë

Dhe të bëmat e tija janë një jetë e tërë

Nuk di a do t’mundet ta duron kjo tokë.

Duket të jetë engjëll po është vet lugati

Duart mban nga qielli, me lutje s’ndalon

Bën gjitha t’zezat që i shkojnë për shtati

Pas punëve të ndyera, kokëlartë aminon.

Duket t’jetë një engjëll, bëhet si profet

E urdhëron diellin ta ndalon shkëlqimin

Kërkon qiellin që ta mbajë n’dorë t’vetë

T’gjitha i bën natën, zhduket me agimin.

Duket si një engjëll me figurë t’njeriut

Si lejon lumenjtë që të derdhen në det

Edhe erërat t’fryejnë në drejtim t’veriut

Po nuk iu bindën, me dorë të vetë i vret!

Duket sikur engjëll, fshihet nën guaskë

N’shi e nën rrebeshe, se ndalon as moti

M’habit si su rrëzua e ta then atë maskë

Këta “engjuj” si duket i harron dhe zoti!

/www.QendraPress.com/