Çaste poetike me poeten;Irma KURTI

NJOHA VETËM NJË STINË

—————————————-

Unë jetova një dimër dashurie

me shi të rrëmbyer, borë e ngricë,

nuk e kuptoja se në këtë botë

kishte edhe pranverë e lumturi.

Njoha vetëm qiellin e vrenjtur,

nuk e dija se ç’bëhej rreth meje,

ndjeja të ftohtë, të dridhura

dhe zbrazëtirë thellë në zemër.

Ky dimër i egër dhe i zgjatur

më ndryshoi në tjetër njeri,

i harrova gjithë stinët e tjera,

veten e quaja pa shpëtim.

Më duhej, më duhej pak zjarr

të ngrohesha në dimrin – ngricë,

por ti dot nuk ma dhe,

nuk më the as: “Lamtumirë!”

Njoha vetëm një stinë…

IRMA KURTI ©

Nga libri: “Shihemi në një tjetër botë”

/www.QendraPress.com/