E  diela poetike me poetin;Gëzim AJGERAJ

MARATONË MALLI

————————

Tri vera e kapërcyen

Dekadën e tretë

Po toja e udhëve

Assesi s’u këput

Spangove të saj

U lidhën nyje motet

E malli peng i mallkimit

Mbetën ëndrrat lëvjerrë

Mbi portën e mbyllur

Nën rrjetën e merimangave

Asgjë e bukur s’u gjet

Ta zbukurojë vrazhdësinë

e këtij udhëtimi

Estetikën e dogji malli

2020

&  &  &

RELIKTE SHPIRTI

—————————

Në kornizën e ditëve të mallit

E kam vënë portretin tënd

Të na i bëjë rojë kujtimeve në largësi

Ëndrrat e së shkuarës lëvjerrë

në gozhdën e kujtimeve

Si një relikt i shtrenjtë i jetës

Sa do largësia t’i pluhurosë ato

Dëshirën assesi ta shuajë

Ti përherë mbetesh etje e pashuar

E shpirtit të trazuar

/www.QendraPress.com/