E mërkura poetike me poeten;Ramije UKAJ

UJËVARA E KORISHËS

———————————

Nga zemra e bjeshkëve të larta

Ujëvara e Korishës gurgullon

Gjithë maleve të Kabashit

Si mbretëreshë hijeshinë ua shton

Atje u rrita me valët e saj

Aty qesha e qava në fëmijëri

Këngë e lot veç me te i ndava

Aty përherë mbushem dashuri

Atje janë gjithë kujtimet e mia

Nën ujëvarë i ruan një valë

Dhe në ëndërr kur të kthehem

Këtë shpirt timin për me çmall

Atje në Korishë tek ujëvara

Aty mësova lojën e dashurisë

Si valë deti që të merr me vete

Më kujton ditët e lumturisë.

/www.QendraPress.com/