Çaste poetike me poeten;Meri BO

Një ditë Vere në Venecia!

—————————————-

Çfarë shkëlqimi, çfarë gazmendi

Sikur, të gjëmon shpirti nga një këngë.

Bëhemi fëmijë pa dashur

dhe e shijojmë çastin ëmbëlsisht.

Dielli perandor me kurorë që djeg

me shkëlqimin e tij, na kthen në buzëqeshje

Plazhi dhe bregu kanë hyrë brenda nesh

Thyen dallgë erotizmi

dhe ngrohtësitë na bëjnë me krahë.

Një pulbardhë hap krahët

Lundërtare valësh,

deti luan me të dhe ajo luan me qiellin.

Tufa dallëndyshesh fëmijësh

që luajnë dhe ndërtojnë kullat e së nesërmes me rërë

dhe një gumëzhimë që përhapet gjithandej.

E qeshura është refreni, lojërat pafajësia

Shqisat udhëtojne nëpër udhë te panjohura

me anije me vela të fryrë.

Asgjë s’është e pamundur

Ajo është mundësia,

guximi për të shkuar më tej, e shtyn të provojë.

Sikur të isha dhe unë me të!

/www.QendraPress.com/