Çaste poetike me poeten:Valbona HADRI

Nëse më do

—————————–

Të pres symbyllur në heshtje për shijen e bruztë të buzëve tua dhe florën

që do të mbjellin tek unë

fjalët e tua,

në mbrëmje dhe sidomos në mëngjes,

kur jam veshur ende me pushtetin e ëndrrave.

Dielli që lind,

nuk mund të shkri asnjërën prej tyre.

Nëse më do thuaj,

të krijoj prej reve një varkë të bardhë,

Të lundroj në lumëbardhin e trazuar,

ndjesinë e gëzimit ta shndërroj në një fllad pranvere.

Nëse më do ,

bëhem hënë mbi det,

 e praruar në ngjyrim të zjarrtë, qëndis valët në dritën e saj.

Nëse më do, thuaj,

nisem në udhëtimin e pafund bashkë me yjet,

aty ndalemi dhe frymojmë me pasionin e dashurisë hyjnore,

Pastaj shkruajmë historinë tonë që nuk ka fund.

Valbona Hadri

09.08.2024

/www.QendraPress.com/