Çaste poetike me poeten;Nasia XHEMALAJ

KUR SHKON NË VENDLINDJE.

——————————————

Këmbët në këtë muaj më nxjerrin krahë,

eh sa të lodhura janë në mërgim,

si një dallëndyshe e bukur shtegtare,

unë gati për udhëtim.

Zemra bëhet erë që kapërcen kufijtë,

pa mbërritur është në prehrin e nënës,

shtatë orë udhëtimi në zero i zbret,

në vendlindje,si zog ere këndon zemra.

************************

KALORSE E MALLIT ZEMRA.

——————————————–

Më pritën dhe gurët në fshat ,

një vit të malluar kishim,

sikur formë e ngjyrë kishin ndërruar,

luajtën vendit nga gëzimi.

Kalorëse e mallit zemra ,

eh zemra është e brishtë,

në krahët e nënës u shkreh,

sikur të ishte lindur fëmijë.

*******************

ERDHA NË QYTETIN TIM.

————————————–

Erdha në qytetin tim ,

më priti duke fishkëllyer Joni,

sikur të isha dashnorja e tij,

me puthje pulëbardhash më ftoi.

Akordova telat e zemrës,

me rezet e para të agimit

për dirigjent bregun e detit,

që me këngë ma mbushi shpirtin.

Në sy një pistë e kaltër,

ku vinë e ulen pulëbardhat,

magjisë së perëndimit i falem,

i zhytem valës si neraijda.

/www.QendraPress.com/