Çaste poetike me poeten;Miranda KABASHI

Më shkruaj

————————

Më shkruaj, dashuria ime, një fjalë të vetme

Të shuaj zjarrin që më ka pushtuar

Shkëndijat ndezin krejt zemrën time

Dhe malli rend, rend për të përqafuar.

Më shkruaj, një frazë të vetme, të thjeshtë

Vargu të jetë ndjenjë dhe plot dashuri

Dhe unë gjithë botën, do të ta fal ty

Se në shpirtin tim, tatuazh je ti.

Nëse me ndjen, më shkruaj vërtetë i dashur,

Më thuaj ti me gjithë shpirt, të dua,

Dhe unë do të rend drejt teje si e çmendur,

Se fjalët e tua, e çmendin një grua.

/www.QendraPress.com/