Çaste poetike me poeten;Ramije UKAJ
ZAMBAKU I PRIZRENIT
—————————–
Atje lart në vendlindjen time
Lule zambaku herët lulëzon
Me cicërima zogjsh ajo rritet
Gjithë Prizrenin e hijeshon
Shtati i saj ngjyra-ngjyra
I lëshon rrënjët në dhé të vet
E ujitur me ujë Lumëbardhi
Aroma e saj na mbush plot jetë
Si gjerdan me xhevahire
Anembanë i stolisë malet
Është frymëzim i bilbilit të Kosovës
Kënga për te kurrë nuk ndalet
O zambak, zambaku im
Midis luleve ti mbretëron
Këngë e valle me emrin tënd
Brez pas brezi ti na bashkon.
/www.QendraPress.com/
