E mërkura poetike me poeten:Shyrete DEMAJ
Në pikë të lotit
—————————-
Në pikë të lotit
mbytet ëndrra e braktisur
Dhe ditët e vyshkura
Në qefin stinësh veshur
Vajtojnë lakuriqët e natës
Ditët e vdekura të vjeshtës
Krahëthyerat dallëndyshe në ikje
Meket dritë e qiriut në fikje
Djerrsitje muzgjesh gushti
Mbështjellur puthje sysh
Tërmet ethesh në dridhje
Gjokset kërcyer etur për shi
Vallëzim i frymës mes buzëve
flakë e epshit të çmendur
tundim që mposhti Adamin
kafshon djalli mollën e Evës
Rrëzohet rrezja e diellit
Përthyhet nën re mbi ylber
Petalet e luleve mbledh era
liqejve të shpirtit shëmbëllen pranverë
/www.QendraPress.com/
