Çaste poetike me poeten;Meri BO
Qark i Shkurtër!
—————————-
Buzët bëhen zjarr kur takohen
dhe një avull i nxehtë i shoqëron
Pastaj trupat rrotullohen e skuqen
e shpirti i lumturuar rënkon.
Dhe fjalët magjishëm bëhen të tepërta,
gjuha e gishtërinjve eksploron hone e mal
Çarçafët e reve zbresin nga qiejt
parajsa merr formën e shkumës mbi valë.
Ty të duket vetja si një engjëll pa peshë
kur me trupin tjetër komunikon
Ç’është kjo rrymë elektrike që një qark të shkurtër
si e babëzitur drejt teje lëshon?!
Tani e di se ç’është ky elektroshok
këto dridhje më janë bërë esencë jete
Më fundosin në humbellat e pafundësisë
që të më ngrenë lart drejt një të vërtete.
Kjo e vërteta qenka burim jete!
/www.QendraPress.com/
