Fryma poetike e së dielës me poeten: Laureta MALAJ

Më erdhe pa pyetur !

————————

Ti erdhe pa pyetur

si fllad që shket lehtë .

Perden ngadalë e hape ,

pa zhurmë ,në natën e qetë.

E unë në mes ëndërrimesh

të ndjeva përballë .

Sytë u zgjuan nga heshtja,

dhe befas ndjeva mall.

Më erdhe si një dritë

që zbret lart nga qielli .

U shfaqe tek unë ,

si rrezet që lëshon dielli.

Më preke si muzë ,

pa trokitur në derë .

Si një yll që bie ,

edhe një zjarr e ndez .

Ti erdhe pa fjalë ,

por me zemrën plot dritë .

Sa shumë unë të prita

dhe të thashë mos ik.

Të prita aq shumë

dhe përsëri do të pres.

Të jesh vetëm e imja

pastaj më ler të vdes .

/www.QendraPress.com/