Fryma e së dielës poetike me poetin;Llesh GJOKA

KU JANË NGJYRAT?

———————————–

Ku janë ngjyrat që rrëshqasin brinjëve të tokës

dhe zdritin pëlhurave të gjëra të qiellit?

Ylberet e gëzuar pas shirave, ku ranë?

Perëndimet e bruzta që i miklojnë njerëzit?

Njerëzit,

ku po shkojnë të veshur me pupla?

Apo shoh zogj të trembur nga egërsirat?

Pylli matanë është një habitët i rrezikshëm.

Gjahtarët janë larguar, agresorët ngjallin frikën.

Shoh ca shtëpi me dyer që s’hapen

E në zymtinë e tyre përditë nga pak vdesin

Dru me vernik,

e brejtur nga mola

Shkallë të myshkura që përcjellin heshtjen.

Zambakë të vyshkur pa duar kujdestare

Bimët në kopsht gishtat nuk i prekin,

Hije fanepsen, aty mungon njeriu,

S’ka as aromë,

as areal të gjelbër.

Heshtja është e rëndë, aty ku ziente lëvizja,

Rrugë të verbëta të çojnë në shkretí,

Në dunat e dhimbjes dështojnë rrënjët pemët

E jeta kryeneçe kërkon zanafillën.

Ku janë ngjyrat e dikurshme që u endën me fantazi?

Kur ëndrrat kapërcenin agimin që prarohet

Sa pak sheh syri, që duhet të shohë gjithçka

Veç një pikë,

një pikë e zezë që zmadhohet.

ll@gjoka

/www.QendraPress.com/