Çaste poetike me poeten: Remzie Raci REXHBOGAJ
ZANA TË MALIT
—————————
Po më thuaj Erna ime
Me kë unë sot të bisedoj
Plagën e zemrës t`ia tregoj
Fletën e librit të jetës time
Të muajit Maj do ta shfletoj
Të bisedoj me zanat e malit
Të ju shpalosi dhembjen e mallin
Ti` rrëfehem në mesnatë hënës
Apo yjeve lart në qiell
A në agim me rrezet e diellit
Të ju them se 18-të Majin
Unë çdo ditë këtë e mallkoj
Lumturinë e jetës sime
Në trishtim ma shndërroj
Ah, ju zana të malit
Në atë pasdite të trishtë të majit
Pranë krevatit Ernes i qëndroja
Flokët e saj ia ledhatoja
Në ballë e puthsha
Dhe sa shumë e përqafoja
Për herë të fundit me Ernen time
Unë atë ditë bisedoja
Lotët sytë m`i vërshonin
Por nga Erna dot s`i largonin
Ah, ju zana të malit
Qaste të rënda përjetonim
Të rrahurat e zemrës kur ju ngadalësuan
Sa shpejt ato pushuan
Kur ia mbylla kapakët e syve
Gjithë mirësia e kësaj bote
Aty u shua brenda tyre
Shpiri i Ernes porsi flutur
Fluturoj drejt qiellit blu
Engjëjve tjerë me ju bashkua
Tuj shndërrim si yll polar
U vendos shumë afër hënës
Fjalën Erna që ma ka dhënë
Në ëndrra të bukura do t`i vie nënës
Ah, ju zana të malit
Toka e qielli sikur u bashkuan
Kur nga dhoma Ernen e larguam
Të dy vëllezërit e mbanin mbi duar
E vendosen në veturë
Në atë veturën me ngjyrë të zezë
Që e priste në oborr
Nuse të bukurën në fustan të bardhë
Për të mbyllur në arkivol
Ah,ju zana të malit
Ju betohem në sytë e ballit
Zemra do të më pëlcas prej mallit
Ju zana të malit
Ernen time kur ta takoni
Shumë nga unë e përqafoni
Dhe ejani mua më tregoni
Ah ,ju zana të malit.
/www.QendraPress.com/
