Çaste poetike me poeten:Dava NIKOLLI

KU IKU LAVDIA E KOMBIT?!

——————————————–

Nëpër plagët e kohës,

tragjedi pas tragjedie kullon.

Ai shpend legjendash…

ato plagë trupi ia mjekon!

Ato male shpresash,

të lavdishme, të forta qëndrojnë.

Nëpër rrënoja mbretërish,

vetëm amanetet, mbretërojnë!

Sot, lavdia e Kombit perlë nën gurë,

me lëkurë epokash mbuluar.

Po, po, murosur si Rozafa, dikur…

që fle nëpër shekuj, zbuluar!

Yje të rremë, e mbuluan tokën,

secili, vetës duke i thur lavdi.

Fatkeqësisht, kanë mbush botën,

varin medalje zhytur nëpër hi!

Sot, legjendat po lindin kudo,

flasin aq shumë, sa të shurdhojnë.

Dyfytyrësha, e plot pseudo…

që bëmat e hershme, po tregojnë!

Ku iku lavdia e Kombit, ku iku?

Që shkurret e kohës e mbulojnë.

Lavdit e rreme, kush na i shpiku?

Që Kombin tonë po e asimilojnë!

/www.QendraPress.com/