Fryma poetike e së mërkurës me poetin;Hamit MAJKOVCI

KODI I DIELLIT

————————

S’di pse retë kur mbështjellën me mjegullat

mundohen t’i fshehin rrezet e diellit

kur ai s’u frikohet mjegullave

çfarë shifrash ka kodi i diellit

ndoshta këtë mund ta di vetëm era

Ulërima e erës sikur përgjigjet

më zemërim riga dëshpëruese

ua humbasin ngjyrat luleve

kjo kohë e sëmurë

sikur gërhima e njeriut

që në agoni flet

me tjetrën botë

e sytë i mbesin hapur

që s’panë ndryshimin

e ëndrrave këndej

kot mundohen retë

ta gjejnë kodin e diellit

sepse as shiu atë s’e dinë

/www.QendraPress.com/