Fryma poetike e së mërkurës me poetin;-Asllan MIFTARI
VARGU
———————————
Plagjiaturë bën me vetveten
Nëse një objekti i vërtitesh disa herë
Duket se përcjell ndjenjë tek lexuesi
Por në të vërtetë, vargu nuk mbart vlerë !
PENA
Mjaft shkruajte për lavde penë
Se çdo krahinë ka lavde, e nga një histori
Shkruaj për paqe e dashurinë
Paqja e dashuria, shërojnë sot njerëzinë !
LIDERI
———————-
Lider nuk bëhesh dot
Se pozon me një udhëheqës a politikan
Lider të bën puna e ndershmëria
Përkushtimi që i bën vendit tënd !
ARTISTI
————————
Nëse s’ përcjell, ç’ këndon shpirti
Artist s’ bëhesh dot
Treten vlerat, vdes origjinaliteti
Para dëgjuesit je kot më kot !
TALLAVA
————————-
Si melodi e fyellit me një vrimë
Tra – la – la…., zhurmë e pambarimtë
Tallava, një fillim i pa fund
Një pafund-zhurmë e pakuptimtë….!
.
Copyright@Asllan Miftari
Kukës – Albania
/www.QendraPress.com/
