Çaste poetike me poeten;Leonora N.LOKAJ

NJI DITË

———————–

Nji ditë

ke m’i mbledhë krejt andrrat

mbramjeve purpur m’i shpalosë

a do t’jem unë andrra

e netëve tua t’bardha

e butë

e ambël

që nuk preket nga askush?

Nji ditë

gjama jeme do bahet

krismë pushke të veshi yt

a ke me mshef’ emnash

a ke me m’lanë tretun yjesh

a ke me mbulue me kraht’ tu

e me m’dashunue deri t’bahem avull?!

Nji ditë kur t’pushojmë kryet

në nji botë tjetër

a do t’mundohesh me m’kujtue

si gruen që tana plagët ia mshele

deken ia banë t’bardhë

si gruen që t’pret pikturuem

në nji kohë tjetër?!

/www.QendraPress.com/