Çaste poetike me poeten;-Bajame Hoxha-  ÇELIKU

HESHTIM

———————————-

Ti më vështron,

unë të vështroj dhe heshtim të dy.

Heshtim se s’duam të qajmë,

E çfarë të qajmë më parë unë e ti,

Nga jeta pa ngjyrë, pa fjalë?!

Errësirë u kthyem ndër mote,

Ndaj mbetëm pa zë ndër vite.

Se në të vërtetë ti mbete,

Skllav, që s’e njihje as veten.

Mos vallë unë mbeta si hija,

Mbeta siluetë e larguar?

S’më njihje më, as të njihja,

S’ishim parë kurrë, as takuar…

Bajame Hoxha-Çeliku

/www.QendraPress.com/