Çaste poetike me poetin;-Xhemkadri KASTRATI

FOLNI N’EMRIN TIM

———————————–

Ju o fëmijët e mi bëhuni të urtë

Ndërtoni shtëpi kudo që të jeni

Do ua sjell unë llaçin edhe gurtë

E ju duhet në vend t’vet t’i vëni!

Të vogël një dhomë unë e dua

Në atë dhomë të ndjehem mirë

Tjetër gjë s’ka nevojë për mua

Veç t’pushoj qetë, të jam i lirë!

Mirësia juaj le t’u rrjedh si lumë

Të mundem të flas e të mburrem

Duani t’gjithë, vëllaun më shumë

S’dua kujt në gjunjë t’i përkulem!

Nga ju dua të bëni emër të madh

Çka nëse s’keni, kend do thërras

Po më pyetën çfarë tu them vallë

Pa një emër vërtet s’di çka t’flas!

Nëse doni, s’është vështirë ta bëni

Po bëtë atë emër, mua m’keni pas

Kujdes, mirësinë në zemër ta keni

E kur t’vdes mendjen mos ta vras!

Të mbështetem, dua në emrin tuaj

Tu tregoj të tjerëve e të jem krenar

Njeriun tënd kurrë mos e bën t’huaj

Le ta dijnë t’gjithë se jeni shqiptarë!

Kur një ditë do të shkoj nga kjo jetë

S’është e lehtë, do është e vështirë

Por në këtë tokë do t’prehem i qetë

Më nuk kthehem, këtë ta dini mirë!

Tek pasi të vdes, t’folni n’emrin tim

Tu tregoni nipave për t’bëmat e mia

Veç mos u thoni se ka qenë një trim

Vdiq bre, thuajuni, nga padrejtësia!

/www.QendraPress.com/