Fryma poetike e së dielës me poeten:-Teuta BIÇAKU

Atdheu im

—————————

Një pikë në trupin e madh të globit,

ashtu si unë në trupin tënd,

një ashkël e vogël thoi

që mbeti në këmishë,

duke u munduar të të mbulojë gjinjtë.

Atdheu im

Shqipe e dyzuar në fluturim,

me dy kokë (jo në një drejtim)

ashtu si unë…

mendje e zemër dyzim.

Unë dhe ti atdhe

dy trupa në një…

Unë mbaj dhimbjen tënde

ti fatin tim.

Kudo që të jem

edhe në mërgim.

/www.QendraPress.com/