Çaste poetike me poeten:-Valbona HADRI

PÊR TY NËNË

——————————-

Këtu ku je ti

ajri mban aromë qumështi dhe psherëtima marsi,

Akaciet e blerta fëshfërijnë

dhe oqeani shndërrohet në një sy.

Unë hyj brenda syve të tu

si një varkë

sa herë dielli largohet nga bregu dhe mbrëmja mbështet e lodhur mbi vela,

Diçka ndodh brenda meje.

Netët e errëta shkojnë larg

Ndërsa mua më pushton një qetësi dhe paqe ngushëlluese

Këtu ku je ti KOHA ndal ndërsa

unë ngjitem menjëherë në moshën tënde

Pranë teje si magji.

Çdo shikim më shndërrohet në buzëqeshje

dhe portat e parajsës hapin vetën për njê çast dy kanat.

Duart e tua që Vijnë erë buke dhe ankth.

Krijojnë në çast një strehë për mua dhe fëmijët e mi,

sa herë që shtëpia e besimit tim rrëzohet nga erërat dhe çatia pikon

Unë nuk ta them dot, e ëmbla Nënë.

Në gjoksin tim rri fshehur një orë e padukshme

që rreh me orën tënde të zemrës

Sa herë shqetësohem unë Akrepat e saj kthehen pas

dhe i luten dashurisë

Të krijojë një kohë tjetër.

13.12.2024

Valbona Rexhepi Hadri

Las Vegas -Nevada USA

/www.QendraPress.com/