Çaste poetike me poetin; Abdullah BLAKÇORI
LIGJËRUESI I DRITËS
(Dedikuar profesorit tim KADRI KADRIU)
——————————————–
Drita e Atdheut i pulitej në qerpikë
Me buzëqeshjen që i ngjante një agimi
Kur ligjëronte ëmbël fjalët shqipe
Si një rrjedhë e kristaltë burimi
Me ditarin që e mbante në duar
Ai fliste prore fjalë me peshë guri
Si të shqiponjës i bëhej portreti
Me ngjyrat kuqezi që i ka flamuri
Dritën e Atdheut që rënkonte prore
E kishin sytë e Tij të kaltër si qielli
Ai lotin e robërisë na treste çdo herë
Se Profesori KADRI ishte vetë DIELLI
Dardanisë të mbërthyer me zinxhirë
Nga një hallkë ia këpuste çdo orë
Kur Ai na mbështillte me dritë
Me ditarin që e mbante në dorë…!
/www.QendraPress.com/
