Çaste poetike me poeten;Vjollca ALIU

OJ HËNË

—————-

Oj hënë,

nëse të shikoj

e flas pa zë,

a do t’më kuptosh?

Je gjysmë ti,

e të plotë s’e kam zemrën

as unë, 

i ngjajmë njëra-tjetrës…

Oj hënë,

kur e plotë shfaqesh,

sikur ia vjedh buzëqeshjen vashës,

aromën ia rrëmben manushaqes,

kanarinës ia merr melodinë

e njerëzve u jep dritë për dashurinë.

Oj hënë,

sa vargje thura 

nën dritën tënde,

u bëre bisht i penës sime,

ndritte vargu e rritej vrulli, 

ti dhe unë, bashkë,

falnim veç gëzime.

Oj hënë,

të kërkoj edhe kur s’del,

lotët e buzëqeshjen 

për ty i ndërthur,

e vetme, por jo pa ty,

n’pëlhurë më del plot nur,

unike, e imja pikturë.

/www.QendraPress.com/