Çaste poetike me poetin;-Stavri HIMA

VDEKJA E DASHURISË

———————————–

Që kur vdiq dashuria

Vetmia më mbërtheu

Më vrau dhe shoqëria

Që me sharje ma shpërbleu

Sepse erdhi kohë e keqe

Shoqëri me armiqësi

Vet e prishe, vet e ndreqe

S’ka për ty më dashuri

Konkurenca djallëzore

U fut dhe në shpirtrat tanë

Në greminë rrugën more

Njëri-tjetrin po e hanë

Prandaj vdiq dhe dashuria

Sepse hyri interesi

Sot sundon veç djallëzia

Thonë të na rrojë sebepi

Dhe vetmia na gërryen

Sepse nuk ka dashuri

Kudo shpirti të gënjen

Rri e vdis në vetmi

Vdekja që na solli koha

Vrasje bërë nga djallëzia

Rrugën për greminë e mora

Që kur vdiq dashuria

/www.QendraPress.com/